Na procura do petróglifo perdido

Foi unha calorosa tarde de finais de agosto, muito máis abafante do que cabía esperar, xa que non era un día especialmente claro ou soleado, pero a humidade do ambiente e a selva de toxos, silvas e xestas, “fixéronnos suar a mares”.

Dende logo o peor foi a bofa e a impotencia de mirar que aparte de que a titánica tarefa de desbroce non tiña fin, (ata que nos puxemos man á obra “o choio non parecía tanto”), o petróglifo que debíamos localizar e identificar, coñecido como o “petróglifo do cabalo”, non daba aparecido… E foi así como tras case dúas horas de batalla sobre o terreo e cando estabamos a piques de marchar a tomar unha boa ducha, Samuel atopou o que foramos buscar.

pedracabalo11

A “teoría” e os informes arqueolóxicos, indicaban que “o obxectivo” andaba por alí (unha laxe redondeada, cun circulo case perfecto ben delimitado, e unha figura -menos definida- posiblemente ecuestre, ou semellante a un cervo ou animal semellante…), pero a realidade e que non daba aparecido; e cando moitos dubidábamos sobre a verosimilitude da posible ubicación ou localización exacta, ou sobre un posible erro do estudo arqueolóxico, un dos petróglifos máis curiosos de Guillade apareceu debaixo dunha boa manta de musgo.

pedracabalo2

Que ridículo teríamos feito os adultos ante os nenos que nos acompañaron e colaboraron no desbroce daquel anaco do monte comunal na procura e recuperación do noso patrimonio histórico! Terían gañas de volver a acompañarnos outro día a facer algo parecido, se chegaran a ter que marchar para casa sen experimentar a “ilusión” de ter descuberto aquela especie de tesouro arqueolóxico?

pedracabalo3

Coa satisfacción do “deber cumprido”, e sentíndonos “exploradores por un día”, voltamos todos para casa cunha “fame neghra” e a tomar unha ducha que ben merecemos.

Comments off

Convocatoria Asemblea CMVMCG (10/04/2016)

Convócase a todos os veciños comuneiros á celebración da Asemblea Xeral Extraordinaria que terá lugar no Auditorio da Casa Cultural de Guillade o domingo día 10 de abril de 2016, ás 14:30 horas en primeira convocatoria, e ás 16:30 horas en segunda convocatoria, coa seguinte ORDE DO DÍA:

  1. Lectura e aprobación, se procede, da acta anterior.

  2. Elección da nova Xunta Rectora

  3. Elección de vocais por barrios.

  4. Aprobación, se procede, da proposta de lindes coa Comunidade de Montes de Cumiar.

  5. Rogos e preguntas.

É moi importante que asistan todos os comuneiros/as que teñan coñecemento sobre os lindes coa parroquia de Cumiar, no Coto do Santo, co obxecto de chegar a un acordo amistoso coa CM de Cumiar.

Esta convocatoria envíase por escrito a todos os comuneiros e comuneiras e exponse nos lugares de costume. Lembrámoslle que segundo o artigo 18, apartado d) dos Estatutos, é unha obriga dos comuneiros e comuneiras asistir ás reunións ás que fose convocado.

Comments off

Manuel A. Montero, na lembranza

Os teus amigos da Comunidade de Montes de Guillade gardamos na lembranza a quen foi o seu presidente durante 8 anos, desde o ano 2004 ata o 2012, Manuel Antonio Montero David. Seguirás acompañándonos nos nosos paseos.

http://montesdeguillade.blogaliza.org/category/comunidade-de-montes/paseos-polo-monte/

E un recordo máis da Cooperativa Apícola de Guillade, da que seguirás sendo socio fundador.

Comments off

Premio para a Comunidade de Montes de Paraños

O pasado sábado 20 de febreiro, a directiva da CC.MM. de Paraños (Covelo), recolleu de mans dos responsables da Asociación Ecoloxista ADENCO, o premio “Río Tea á Defensa do Medio Ambiente”, sendo ésta a segunda edición na que se entregaba dito galardón, desta volta no Concello de Mondariz.

Paraños

Deste xeito, prémiase e recoñécese a laboura exemplar dos últimos decenios desta CCMM, con Xosé M. Sendín ao fronte na xestión do seu entorno e na recuperación de distintos elementos patrimoniais, como varios muíños nas beiras do río Xabriña, ou un espectacular lagar de cera vencellado á tradición abelleira da zona.

Comments off

Convocatoria Asemblea CMVMCG (06/03/2016)

Convócase a todos os veciños comuneiros á celebración da Asemblea Xeral Ordinaria que terá lugar no Auditorio da Casa Cultural de Guillade o domingo día 6 de marzo de 2016, ás 14:30 horas en primeira convocatoria, e ás 16:30 horas en segunda convocatoria, coa seguinte ORDE DO DÍA:

  1. Lectura e aprobación, se procede, da acta anterior.

  2. Estado das contas e aprobación, se procede, dos ingresos e gastos do ano anterior.

  3. Aprobación para solicitar subvencións e autorización ao presidente.

  4. Aprobación para rareos e cortas de madeira e autorización ao presidente.

  5. Aprobación de altas e baixas de comuneiros e comuneiras.

  6. Aprobación da proposta de lindes coa CM de Cumiar

  7. Informacións: asunto xudicial da nave de Albelle, conflito coa CM de Santiago de Oliveira

  8. Proposta de formalizar con contrato as relacións coas Traídas de Augas.

  9. Convocatoria de eleccións á Xunta Rectora da Comunidade de Montes Veciñais en Mancomún de Guillade, a celebrar o día 10 de abril de 2016.

  10. Rogos e preguntas.

Comments off

Xuntanza no concello coas Comunidades de Montes

O pasado 21 de agosto, representantes da Comunidade de Montes de Guillade, acudiron á xuntanza convocada polos membros da Riada do Tea ­responsábels da Concellería de Medio Rural do Concello­ xunto a unha treintena de membros de outros Montes Veciñais de Ponteareas, co ánimo e disposición de escoitar e aportar as propostas e inquedanzas tanto do propio concelleiro, Manuel Troncoso, como das outras persoas alí reunidas.

Riada CC.MM.
Ao longo do encontro, aparte do correspondente intercambio de enderezos electrónicos e números de tlf, co que se pretende continuar mantendo conversas e comunicacións permanentes, entre o Concello e os comuneiros, tratáronse abundantes temas e problemáticas xenéricas e concretas da realidade forestal e ambiental dos montes comunais de Ponteareas: eliminación e sinalización de escombreiras, inventariado de pistas e elementos arqueolóxicos, a elaboración dun plan común anti­incendios xunto outros concellos limítrofes, así como dar a coñecer aos asistentes a adquisición dun tractor especificamente habilitado para axudar a desbrozar por parte do Concello.

Ao mesmo tempo, poucos días despois, o alcalde Xosé Represas, convocaba tamén ao gremio de apicultores en particular e a todos os veciños en xeral, a outra xuntanza informativa en colaboración coa Asociación Galega de Apicultura (AGA), sobre a problemática e alarma xerada pola vespa velutina ou “asiática”, unha especie invasora que en breve espazo de tempo inzou os nosos montes, diezmando as ­xa dende un tempo­ colmeas do País, cebandose especialmente nos lugares de clima máis suave das provincias atlánticas: O Condado, Tomiño… mais tamén a zona da mariña lucense entre outras.

Vespa Velutina
Síntoma da alarma e temor do sector apícola, ante este novo problema, xunto aos insecticidas ­ entre outros­ foi a asistencia de perto dun cento de persoas, chegadas incluso doutras comarcas de Pontevedra, como: Mos, Porriño ou Vigo.

A noticia recollida no xornal FARO DE VIGO.

Comments off

Convocatoria Asemblea CMVMCG (26/04/2015)

COMUNIDADE DE MONTES VECIÑAIS EN MANCOMÚN DE GUILLADE

CONVOCATORIA DE ASEMBLEA XERAL ORDINARIA

Convócase a todos os veciños comuneiros á celebración da Asemblea Xeral Ordinaria que terá lugar no AUDITORIO DA CASA CULTURAL DE GUILLADE o domingo, día 26 de abril de 2015, ás 14:30 horas en primeira convocatoria, e ás 16:30 horas en segunda convocatoria, coa seguinte

ORDE DO DÍA:

  1. Lectura e aprobación, se procede, da acta anterior.

  2. Estado das contas e aprobación, se procede, dos ingresos e gastos do ano anterior.

  3. Aprobación para solicitar subvencións e autorización ao presidente

  4. Aprobación para cortas de madeira e autorización ao presidente

  5. Aprobación de altas e baixas de comuneiros e comuneiras

  6. Información asuntos varios

  7. Rogos e preguntas.

Esta convocatoria envíase por escrito a todos os comuneiros e comuneiras e exponse nos lugares de costume.

Comments off

Premios para o mel de Ponteareas

Un recoñecemento para todo Ponteareas

Con escaso espazo de tempo entre un premio e outro, un veciño de Ponteareas (granadino de nacemento), e con amigos e coñecidos na nosa parroquia, ven de recoller un galardón en terras extremeñas, na “II Feria Internacional de Apicultura y Turismo de las Hurdes”, dentro da categoría de meles claros.

Premio Pablo Alarcón-1
A este recoñecemento, únese outro primeiro premio que tivo o seu eco no Faro de Vigo, tras imporse entre máis de 70 participantes ­que tiñan superado previamente unhas probas de corte­, no certame de meles monoflorais da Península Ibérica.

Aínda que cada vez máis, a xente vai sendo consciente do valor dos nosos produtos e da riqueza e beneficios de todo tipo que poden reportarnos, as veces teñen que tiunfar e ser recoñecidos fóra, para que o lembremos e non o esquezamos.

Parabéns para Pablo. Facer que Ponteareas sexa coñecida por este tipo de cousas, é a mellor publicidade que se lle pode facer a todos os pequenos produtores da zona, tanto apicultores, como labregos, gandeiros (que aínda queda algún), etc.

Moi ben, a seguir así!

Comments off

Convocatoria Asemblea Extraordinaria (2 agosto 2014)

O presidente da Xunta Rectora da Comunidade de Montes Veciñais en Mancomún de Guillade, convoca a todos os veciños comuneiros á celebración da Asemblea Xeral Extraordinaria que terá lugar no Auditorio da Casa Cultural de Guillade o sábado día 2 de agosto de 2014, ás 16:00 horas en primeira convocatoria, e ás 18:00 horas en segunda convocatoria, coa seguinte

ORDE DO DÍA:

  1. Lectura e aprobación, se procede, da acta da asemblea xeral ordinaria celebrada o día 2 de marzo de 2014.

  2. Lectura e aprobación, se procede, da acta da última asemblea, celebrada o día 27 de abril de 2014.

  3. Presentación do Plan Técnico de Ordenación do Monte Comunal a conta da enxeñeira encargada do proxecto, e aprobación se procede.

  4. Autorización para accións xudiciais.

  5. Rogos e preguntas.

Esta convocatoria envíase por escrito a todos os comuneiros e comuneiras e exponse nos lugares de costume. Lembrámoslle que segundo o artigo 18, apartado d) dos Estatutos, é unha obriga dos comuneiros e comuneiras asistir ás reunións ás que fose convocado.

Comments off

Informe sobre incendios forestais da AFG

O documento titulado O problema actual dos incendios forestais en Galicia recolle a visión da Asociación Forestal de Galicia sobre o problema dos incendios forestais, analiza os factores determinantes que inciden na evolución do problema e presenta unha serie de medidas orientadas a mellorar a prevención e a diminuír o risco de incendios forestais. Podemos  acceder a unha versión en PDF aquí.

Comments off